| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.99 | Dem. 21.102 (English) | >>Dem. 21.105 |
21.101ἐγὼ γὰρ οἶμαι πάντας ἀνθρώπους φέρειν ἀξιοῦν παρʼ ἑαυτῶν εἰς τὸν βίον αὑτοῖς ἔρανον παρὰ πάνθʼ ὅσα πράττουσιν · οἷον ἐγώ τις οὑτοσὶ μέτριος πρὸς ἅπαντάς εἰμʼ , ἐλεήμων , εὖ ποιῶν πολλούς · ἅπασι προσήκει τῷ τοιούτῳ ταὔτʼ εἰσφέρειν , ἐάν του καιρὸς ἢ χρεία παραστῇ . ἕτερος οὑτοσί τις βίαιος , οὐδένʼ οὔτʼ ἐλεῶν οὔθʼ ὅλως ἄνθρωπον ἡγούμενος · τούτῳ τὰς ὁμοίας φορὰς παρʼ ἑκάστου δίκαιον ὑπάρχειν . σὺ δή , πληρωτὴς τοιούτου γεγονὼς ἐράνου σεαυτῷ , τοῦτον δίκαιος εἶ συλλέξασθαι .
ἡγοῦμαι μὲν τοίνυν , ὦ ἄνδρες Ἀθηναῖοι , καὶ εἰ μηδὲν ἔτʼ ἄλλʼ εἶχον κατηγορεῖν Μειδίου , μηδὲ δεινότερʼ ἦν ἃ μέλλω λέγειν ὧν εἴρηκα , δικαίως ἂν ὑμᾶς ἐκ τῶν εἰρημένων καὶ καταψηφίσασθαι καὶ τιμᾶν αὐτῷ τῶν ἐσχάτων . οὐ μὴν ἐνταῦθʼ ἕστηκε τὸ πρᾶγμα , οὐδʼ ἀπορήσειν μοι δοκῶ τῶν μετὰ ταῦτα · τοσαύτην ἀφθονίαν οὗτος πεποίηκε κατηγοριῶν .
21.103ὅτι μὲν δὴ λιποταξίου γραφὴν κατεσκεύασεν κατʼ ἐμοῦ καὶ τὸν τοῦτο ποιήσοντʼ ἐμισθώσατο , τὸν μιαρὸν καὶ λίαν εὐχερῆ , τὸν κονιορτὸν Εὐκτήμονα , ἐάσω . καὶ γὰρ οὔτʼ ἀνεκρίνατο ταύτην ὁ συκοφάντης ἐκεῖνος , οὔθʼ οὗτος οὐδενὸς εἵνεκʼ αὐτὸν ἐμισθώσατο πλὴν ἵνʼ ἐκκέοιτο πρὸ τῶν ἐπωνύμων καὶ πάντες ὁρῷεν “Εὐκτήμων Λουσιεὺς ἐγράψατο Δημοσθένην Παιανιέα λιποταξίου ·” καί μοι δοκεῖ κἂν προσγράψαι τοῦθʼ ἡδέως , εἴ πως ἐνῆν , ὅτι Μειδίου μισθωσαμένου γέγραπται . ἀλλʼ ἐῶ τοῦτο · ἐφʼ ᾗ γὰρ ἐκεῖνος ἠτίμωκεν αὑτὸν οὐκ ἐπεξελθών , οὐδεμιᾶς ἔγωγʼ ἔτι προσδέομαι δίκης , ἀλλʼ ἱκανὴν ἔχω .
21.102
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 21.99 | Dem. 21.102 (English) | >>Dem. 21.105 |
